Aktiv bokmelding
1.-10. trinn
Norsk
Inne/ute
Hensikt
Ein læringsaktivitet der elevane blir utfordra på å lage eit lite rollespel frå ei scene i boka dei har lese.
Beskrivelse
Det er vanleg at elevar les ulike bøker gjennom skuleåret og mange skriv bokmeldingar. Aktiv bokmelding er eit alternativ til den tradisjonelle skriftlege bokmeldinga, der eleven i staden nyttar rollespel til å formidle innhald frå boka. Eleven vel ei hending frå boka som dei ynskjer å vise fram for dei andre elevane i klassen. Om hendinga er litt kompleks med fleire roller, kan det vere lurt å skrive eit kort manus. Rollespelet treng ikkje vare lenger enn 1-2 minutt og andre elevar kan tildelast roller ved behov. Som del av den aktive bokmeldinga bør eleven også vise fram sjølve boka, oppgi namnet til forfattaren og gi ei vurdering av boka.
Kanskje vil ei slik bokmelding inspirere andre elevar til å lese boka?
Kobling til kompetansemål
Kompetansemål i norsk etter 2. trinn:
låne og lese bøker frå biblioteket
uttrykke tekstopplevingar gjennom leik, song, teikning, skriving og andre kreative aktivitetar
Norsk etter 4. trinn:
halde muntlege presentasjonar med og utan digitale ressursar
kombinere ulike uttrykksformer i samansette tekstar
utforske og formidle tekstar gjennom samtale, skriving, leik, bevegelse og andre kreative uttrykk
Norsk etter 10. trinn:
uttrykke seg i ulike sjangrar og eksperimentere med sjangrar på kreative måtar
Variasjon
Kan gjennomføre rollespelet utandørs, gjerne i autentiske miljø tilpassa valt hending frå boka. Enkle rekvisittar som til dømes klede eller hattar og utstyr kan gjere rollespelet meir spanande.
Utstyr
Kan nytte rekvisittar om ein ynskjer det.
Sjekk ut desse populære læringsaktivitetane
