Ordtjuven
4.-7. trinn
Norsk
Inne/ute/basseng
Hensikt
Ein læringsaktivitet der elevane blir utfordra på å lage setningar med ord frå ulike ordklassar.
Beskrivelse
Del klassen inn i 4 lag. Kvart lag har ein rockering der avstanden frå midten til kvar rockering skal vere den same. I midten ligg alle lappane med ord frå ordklassane substantiv, verb og adjektiv. Når læraren bles i fløyta, får elevane lov til å springe og hente ordlappar frå midten eller stele frå eit anna lag sin rockering. Det betyr at alle laga vil også bli stole frå og det er ikkje lov å hindre nokon i å stele. Det er berre lov til å hente ein lapp om gongen og lappen skal leggjast inn i rockeringen til laget ein høyrer til. Læraren bestemmer kor lenge aktiviteten varar, til dømes 3 – 5 min, og bles i fløyta igjen når tida er ute. Deretter skal kvart lag samlast ved rockeringen sin og lage setningar som skal innehalde eit substantiv, eit verb og eit adjektiv, til dømes apekatten – hoppar - høgt. Kvar setning gir 1 poeng. Det kjem til å bli ordlappar til overs på alle lag. Det laget med flest setningar og poeng til slutt, vinn ordtjuven.
Variasjon
Aktiviteten kan gjennomførast både inne, ute og i basseng.
I starten er det berre lov å hente ordlappar frå midten. Når det er tomt for ordlappar på midten, er det lov å begynne og stele frå dei andre laga.
Det går an å variere om det er lov å ta 1, 2 eller 3 ordlappar om gongen.
Det kan også leggjast inn føringar på kor mange som hentar lappar om gongen og tidsbruk på aktiviteten.
Utstyr
Rockeringar (1 til kvart lag i ulik farge).
Laminerte lappar med ord frå ordklassane substantiv, verb og adjektiv.
Kobling til kompetansemål
-
Bruke fagspråk om setningsoppbygging og bøying av verb, substantiv og adjektiv i samtalar om språk og om eigne og andre sine tekstar.
Utforske og formidle tekstar gjennom samtale, skriving, leik, bevegelse og andre kreative uttrykk.
Beskrive, fortelje og argumentere munnleg og skriftleg og bruke språket på kreative måtar.
-
Bruke fagspråk og kunnskap om ordklassar og setningsoppbygging i samtale om eigne og andre sine tekstar.
Leike med språket og prøve ut ulike verkemiddel og framstillingsmåtar i munnlege og skriftlege tekstar.
Skrive tekstar med tydeleg struktur og meistre sentrale reglar for rettskriving, ordbøying og teiknsetjing.
